“Azərbaycan dilində işgüzar və akademik kommunikasiya” dərsliyi nəşr olunub
Bakı, 8 avqust, AZƏRTAC
Azərbaycan İlahiyyat İnstitutunun Dillər və ictimai fənlər kafedrasının müəllimi filologiya üzrə fəlsəfə doktoru, dosent Sevinc Sadıqovanın “Azərbaycan dilində işgüzar və akademik kommunikasiya” dərsliyi nəşr olunub.
İnstitutdan AZƏRTAC-a bildirilib ki, dərslikdə Azərbaycan dilində işgüzar və akademik kommunikasiya fənninin mövzusu, məqsədi və vəzifələri yer alıb.
Nəşrdə Azərbaycan dili və Azərbaycan ədəbi dilinin üslubları, normaları haqqında da bəhs olunur. Kitabda, həmçinin işgüzar kommunikasiyanın prinsipləri, formaları, növləri, şifahi və yazılı akademik kommunikasiya, elektron işgüzar kommunikasiya, işgüzar kommunikasiyanın dinlər və mədəniyyətlərarası spesifikliyi, işgüzar və akademik kommunikasiyanın etik-psixoloji aspektləri barədə məlumat verilir.
Dərslik ali məktəb tələbələri, magistrant və doktorantlar, mütəxəssislər, həmçinin Azərbaycan dilində işgüzar ünsiyyətqurma bacarığına yiyələnmək istəyən geniş oxucu kütləsi üçün nəzərdə tutulub.
Bölmənin digər xəbərləri
