Azərbaycan elminin və milli-mənəvi dəyərlərimizin əvəzsiz təəssübkeşi
Bakı, 12 dekabr, AZƏRTAC
Ümummilli lider Heydər Əliyevin mühüm diqqət yetirdiyi sahələrdən biri də elm və təhsilin inkişafı idi. Azərbaycan elminə və təhsilə, milli-mənəvi dəyərlərə qayğı daim Ulu Öndərin fəaliyyətinin əsas istiqamətlərini təşkil edib.
Bu sözləri dekabrın 12-də Ümummilli Liderin xatirəsini anmaq üçün Fəxri xiyabana gələn AMEA-nın Fizika İnstitutunun direktor müavini Cavad Abdinov AZƏRTAC-a müsahibəsində söyləyib.
C.Abdinov deyib ki, Azərbaycan xalqının ümummilli lideri Heydər Əliyev hakimiyyətə qayıtdıqdan sonra onun ictimaiyyətlə ilk görüşü Azərbaycan Milli Elmlər Akademiyasında (AMEA) olub. Ulu Öndərin ilk növbədə ölkənin intellektual elitası, alimlərlə görüşü unudulmaz hadisəyə çevrildi. Bu görüş respublikada siyasi böhranın mütləq həll ediləcəyi inamı ilə yanaşı, alimlərin, yaradıcı ziyalıların, xüsusilə elm məbədi olan AMEA-nın nüfuzunun qaytarılmasına zəmin oldu. Bu görüşdə ulu öndər Heydər Əliyev Azərbaycan elminin inkişaf strategiyası ilə bağlı prioritet vəzifələrin nədən ibarət olduğunu açıqladı.
Alim qeyd edib ki, ümummilli lider Heydər Əliyevin müvafiq Fərmanı ilə AMEA-nın dövlət statusu möhkəmləndirildi.
Bölmənin digər xəbərləri
