Azərbaycan gəncliyi Heydər Əliyev ideyalarına sadiqdir
Bakı, 12 dekabr, AZƏRTAC
Dekabrın 12-də Azərbaycan Dillər Universitetində (ADU) ümummilli lider Heydər Əliyevin anım gününə həsr olunan tədbir keçirilib.
ADU-dan AZƏRTAC-a bildiriblər ki, əvvəlcə tədbir iştirakçıları Ulu Öndərin universitetin foyesindəki abidəsi önünə gül dəstələri qoyub, xatirəsini ehtiramla yad ediblər.
Tədbirdə ADU-nun prorektoru Vazeh Əsgərov müdrik siyasətçi Heydər Əliyevin əziz xatirəsinin yalnız Azərbaycanda deyil, dünyanın müxtəlif yerlərində anıldığını bildirib. Müstəqilliyi qoruyub saxlamağın onu qazanmaqdan çətin olduğunu vurğulayan prorektor ümummilli lider Heydər Əliyevin müstəqillik yolunda danılmaz xidmətlərini diqqətə çatdırıb.
Daha sonra tələbələr Ulu Öndərə həsr olunan mahnılar ifa edib, şeirlər söyləyiblər.
Dahi şəxsiyyət Heydər Əliyevin ömür kitabının maraqlı məqamlarından ibarət videoçarx, həmçinin “Elegiya” film-kompozisiyası nümayiş olunub.
Tədbirdə əvəzolunmaz lider Heydər Əliyevin gənclərə münasibətindən, onlara olan etimad və inamından da söz açılıb. Ulu Öndərin gənclərin inkişafı istiqamətində göstərdiyi xidmətlər xüsusi vurğulanıb. Azərbaycan gəncliyinin Heydər Əliyev ideyalarına sadiq olduğu, gənclərin Ulu Öndərin yolunu layiqincə davam etdirməkdə bütün səylərini göstərəcəkləri diqqətə çatdırılıb.
Bölmənin digər xəbərləri
