AZƏRBAYCAN İCTİMAİYYƏTİ ABŞ-DA KEÇİRİLƏN PREZİDENTSEÇKİLƏRİNİN NƏTİCƏLƏRİ HAQQINDA MƏLUMATLARICANLI İZLƏMƏK İMKANI ƏLDƏ ETMİŞDİR

03.11.2004 [17:03]
Çap et
A⁺ A^-

ABŞ-ın Azərbaycandakı səfirliyi noyabrın 2-də ABŞ-da keçirilmiş prezident seçkilərinin nəticələri ilə bağlı məlumatları canlı izləmək üçün “Hyatt Regency-Naxçıvan” mehmanxanasında tədbir keçirmişdir.

AZƏRTAC xəbər verir ki, saat 7-dən 13-dək Azərbaycan ictimaiyyətinin və ABŞ səfirliyinin nümayəndələri, Azərbaycanda çalışan ABŞ vətəndaşları səslərin sayılma prosesini birbaşa, canlı izləmişlər.

ABŞ-ın Azərbaycandakı səfiri Rino Harniş bildirmişdir ki, tədbirin təşkilindən məqsəd həm Azərbaycanda yaşayan amerikalılar, həm də Azərbaycan ictimaiyyətinin prezident seçkilərinin nəticələri haqqında məlumatları canlı izləmək imkanını əldə etməsini təmin etmək olmuşdur. Səfir Azərbaycan ictimaiyyətində ABŞ-da keçirilən prezident seçkilərinə marağın böyük olmasından məmnun qaldığını qeyd etmişdir.