Azərbaycan Milli Elmlər Akademiyasının çiçəklənən dövrü Ulu Öndərin adı ilə bağlıdır
Bakı, 12 dekabr, AZƏRTAC
Azərbaycan Milli Elmlər Akademiyasının (AMEA) Fizika İnstitutunda xalqımızın ümummilli lideri Heydər Əliyevin xatirəsinə həsr olunan tədbir keçirilib.
İnstitutdan AZƏRTAC-a bildiriblər ki, tədbirdə bu elm müəssisəsinin direktoru, AMEA-nın müxbir üzvü Nazim Məmmədov Ulu Öndərin qeyri-adi şəxsiyyət olmasından, siyasət və dövlət xadiminə xas olan xüsusiyyətlərindən söhbət açıb.
İnstitut direktorunun elmi işlər üzrə müavini, akademik Cavad Abidinov görkəmli dövlət xadimi Heydər Əliyevin Azərbaycan Milli Elmlər Akademiyasına göstərdiyi diqqət və qayğıdan danışıb. Bildirilib ki, akademiyanın çiçəklənən dövrü dünya şöhrətli siyasi xadimin adı ilə bağlıdır. Ümummilli Lider respublika rəhbərliyinə qayıdışından sonra ilk görüşünü məhz akademiyada keçirib.
Vurğulanıb ki, Ulu Öndərin akademiyanın bir qrup üzvü ilə növbəti görüşü 1997-ci ildə olub. Bu görüşdən sonra “AMEA-nın Nizamnaməsi” hazırlanıb və 2003-cü ildə Ümummilli Lider həmin nizamnamənin təsdiqi ilə bağlı Fərman imzalayıb.
Akademiklər Bahadur Tağıyev, Maqsud Əliyev və başqaları ulu öndər Heydər Əliyevin Azərbaycan dilinin inkişafında əvəzsiz xidmətlərindən, respublikamızı dünyaya tanıtmasından söhbət açıblar.
Tədbirdə dünya şöhrətli dövlət xadimi Heydər Əliyevin həyat və fəaliyyətini əks etdirən film nümayiş olunub.
Bölmənin digər xəbərləri
