Azərbaycan millisinin baş məşqçisi: Finalda işimiz daha çətin olacaq
Qəbələ, 1 oktyabr, AZƏRTAC
Çətin oyun keçirəcəyimizi öncədən bilirdik.
AZƏRTAC xəbər verir ki, bu sözləri 16 yaşadək futbolçulardan ibarət Azərbaycan millisinin baş məşqçisi Aqil Nəbiyev deyib.
O, Qırğızıstan üzərində 4:0 hesablı qələbəni şərh edib: “Topa daha çox sahib olan komanda biz idik. Matça yaxşı hazırlaşmışdıq. Məqsədimiz finala adlamaq idi. Bunu da bacardıq. Qələbəni azarkeşlərimizə və xalqımıza həsr edirik”.
Mütəxəssis bildirib ki, finalda komandasının işi daha çətin olacaq.
Qeyd edək ki, U-16 həlledici oyunda Rusiya - Özbəkistan cütünün qalibi ilə qarşılaşacaq.
Bölmənin digər xəbərləri
