Azərbaycan millisinin baş məşqçisi: Stend atıcılarımız III MDB Oyunlarında çox yaxşı mübarizə apardılar
Qəbələ, 1 oktyabr, AZƏRTAC
Heyətimiz gənc idmançılardan təşkil olunub. Buna baxmayaraq, çox yaxşı nəticələr əldə olundu.
AZƏRTAC xəbər verir ki, bu sözləri stend atıcılığı üzrə Azərbaycan millisinin baş məşqçisi Ali Emre Güray yığmanın III MDB Oyunlarındakı çıxışını dəyərləndirərkən deyib.
Türkiyəli mütəxəssis Azərbaycan atıcılarının yaxşı mübarizə apardıqlarını söyləyib: “Yarışdan öncə də məqsəd medalın əyarından asılı olmayaraq, sonadək mübarizə aparmaq idi. İdmançılarımızın çıxışından çox razı qaldım. Atışları dəqiq yerinə yetirdilər”.
Qeyd edək ki, Azərbaycan millisi Oyunları 5-i gümüş, 4-ü bürünc olmaqla ümumilikdə 9 medalla başa vurub.
Bölmənin digər xəbərləri
