Azərbaycan millisinin voleybolçuları Rumıniya Kubokunun qalibi olublar
Bakı, 30 mart, AZƏRTAC
Qadın voleybolçulardan ibarət Azərbaycan millisinin üzvləri Yelizaveta Ruban və Olena Xarçenko, kişilərdən ibarət yığmanın hücumçusu Andrey Melnikov Rumıniya Kubokunun qalibi olublar.
AZƏRTAC xəbər verir ki, Y.Ruban ilə O.Xarçenko “Alba Blaj”ın qadın, A.Melnikov isə “Korona Brasov”un kişi komandasının heyətində ölkə kubokuna sahib çıxıblar.
Qeyd edək ki, final matçında “Alba Blaj” “Voluntari”ni, “Korona Brasov” isə “Munisipal Zalau”nu 3:1 hesabı ilə məğlub edib.
Bölmənin digər xəbərləri
