Azərbaycan-Qətər hərbi-texniki əməkdaşlığının perspektivləri müzakirə olunub
Bakı, 25 sentyabr, AZƏRTAC
Sentyabrın 25-də Azərbaycanın müdafiə naziri Bakı şəhərində keçirilən 5-ci Yubiley “ADEX” Beynəlxalq Müdafiə Sərgisində iştirak etmək üçün ölkəmizdə səfərdə olan Qətərin “Barzan Holdings” müdafiə və təhlükəsizlik şirkətinin icraçı direktoru Abdullah Əl-Xater ilə görüşüb.
Bu barədə AZƏRTAC-a Müdafiə Nazirliyinin mətbuat xidmətindən məlumat verilib.
Bildirilib ki, görüşdə Azərbaycanla Qətər arasında hərbi əməkdaşlığın yeni perspektiv və imkanları müzakirə olunub, qarşılıqlı maraq doğuran bir sıra məsələlər ətrafında geniş fikir mübadiləsi aparılıb.
Bölmənin digər xəbərləri
