AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Dərdiniz böyük, dərdimiz böyükdür, başınız sağ olsun, başımız sağ olsun! Türk dünyasının başı sağ olsun! XX əsrin böyük şəxsiyyəti, böyük lider Heydər Əliyevi itirməyimizin kədəri içindəyik. Kədərimizi az da olsa yüngülləşdirən və bizlərə təsəlli olan Azərbaycanda o böyük liderin açdığı yol və rəhbərlik tərzinin Sizlərin vasitəsilə davam etdirilməsidir. Təxminən 40 illik bir müddət ərzində Azərbaycan xalqına işıq tutan bu möhtərəm şəxsin nuru Sizlər vasitəsilə inşallah daha neçə 40 illiklər davam edəcəkdir. Bu hiss və düşüncələrlə böyük kədərinizi bölüşürük. Mərhum lider Heydər Əliyevə Allahdan rəhmət, ailənizə səbir diləyir, Azərbaycan xalqına və türk dünyasına başsağlığı veririk.
Mendese Dəmir Osmaniyyə Qəzetçilər Birliyinin sədri
və xanımı Səhribanu Allahverdiyeva
“Azərbaycanın səsi” qəzetinin baş direktoru
27 dekabr 2003-cü il.
Bölmənin digər xəbərləri
