Azərbaycan Rusiya vətəndaşlarının təxliyə olunmasına kömək edir
Moskva, 1 mart, AZƏRTAC
Azərbaycan hazırda İranla sərhədi keçmək üçün, aralarında iş adamlarının da olduğu təxminən 500 Rusiya vətəndaşına icazə verib.
AZƏRTAC xəbər verir ki, bu barədə vəziyyətə yaxın mənbəyə istinadla Rusiya mediası məlumat yayıb. Mənbə qeyd edib ki, Bakı rusiyalıların İrandan çıxışının təşkil edilməsində Moskvaya maksimum dərəcədə dəstək göstərir. Regionda vəziyyətin kəskinləşməsi fonunda Azərbaycan İran ərazisindən Rusiya vətəndaşlarının təxliyəsində Rusiya Federasiyasına yardım edir.
Rusiyanın Tehrandakı səfirliyinin məlumatına görə, hazırda İran ərazisini Azərbaycan və Ermənistan istiqamətində iki buraxılış məntəqəsi vasitəsilə tərk etmək mümkündür.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
