Azərbaycan Silahlı Qüvvələri heç vaxt dinc əhaliyə və mülki obyektlərə atəş açmır
Bakı, 12 fevral, AZƏRTAC
Ermənilərin növbəti dəfə Azərbaycan Silahlı Qüvvələrini mülki əhaliyə atəş açmaqda günahlandırmağa cəhd göstərməsi düşmən tərəfdə hökm sürən gərgin daxili kriminal durumun gizlədilməsinə hesablanmış addımdır.
Bu fikri Müdafiə Nazirliyinin mətbuat xidmətindən AZƏRTAC-ın sorğusuna cavab olaraq bildiriblər. Vurğulanıb ki, erməni tərəfinin yaydığı məlumatda diqqət çəkən məqamlardan biri də adı çəkilən kəndin qoşunların təmas xəttindən xeyli aralıda yerləşməsidir.
“Dəfələrlə səsləndirilən fikri bir daha diqqətə çatdırırıq ki, ermənilərdən fərqli olaraq, Azərbaycan Silahlı Qüvvələri beynəlxalq humanitar hüququn prinsip və normalarına riayət edərək heç vaxt dinc əhalini və mülki obyektləri atəşə tutmur. Qəti surətdə bildiririk ki, Akop Ambarsumyan adlı şəxsin ölümünün Azərbaycan tərəfinə heç bir aidiyyəti yoxdur”, - AZƏRTAC-ın sorğusuna cavabda belə deyilir.
Bölmənin digər xəbərləri
