AZƏRBAYCAN SÜLHMƏRAMLILARI İRAQDAN QAYITMIŞLAR
AZƏRTAC-ın müxbiri xəbər verir ki, hərbi qulluqçularımız İraqın ən qaynar nöqtəsində təhlükəsizliyi qoruyurdular. Zabitlərin və əsgərlərin yekdil rəyi belədir ki, xidməti borclarını ləyaqətlə yerinə yetirmiş, Azərbaycanı şərəflə təmsil etmişlər. Azərbaycan sülhməramlılarının münaqişə zonalarına cəlb olunması ordumuzun beynəlxalq aləmdə nüfuz qazanmasına əyani sübutdur. Ona görə də böyük məsuliyyətlə xidmət edir, Azərbaycan əsgərinin imicinə xələl gətirəbiləcək hərəkətlərə yol vermirdik.
Sülhməramlılarımızı gətirən təyyarə texniki nasazlıq üzündən geriyə qayıtdığı üçün onlar başqa təyyarəyə minmək məcburiyyətində qalmış və Bakıya bir gün gec çatmışlar.
Xatırladaq ki, Azərbaycanın yanvarın 7-də Əfqanıstana və Kosovoya göndərdiyi 33 nəfər sülhməramlı artıq həmin bölgələrdədir. Onların əvəz etdiyi qüvvələr isə təxminən bir həftədən sonra Bakıda olacaqlar.
Bölmənin digər xəbərləri
