Azərbaycan XİN: Ermənistanın cəzasızlığı yeni cinayətlərə yol açır
Bakı, 14 dekabr, AZƏRTAC
Ermənistanın cəzasızlığı yeni cinayətlərə yol açır.
AZƏRTAC xəbər verir ki, bu barədə 8 vətəndaşımızın Kəlbəcərdə minaya düşməsi ilə bağlı Azərbaycan Respublikası Xarici İşlər Nazirliyinin tviterdəki paylaşımında bildirilib.
Paylaşımda qeyd edilib ki, Ermənistanın yerləşdirdiyi minanın bu gün partlaması nəticəsində 4 mülki işçi ağır xəsarət alıb. Bundan başqa, 1 gizir həlak olub, 3 əsgər yaralanıb.
“2020-ci ildə müharibə başa çatdıqdan sonra mina qurbanlarının sayı 276-ya çatıb. Ermənistanın cəzasızlığı yeni cinayətlərə yol açır”, - deyə nazirliyin paylaşımında bildirilib.
Bölmənin digər xəbərləri
