Azərbaycanda aydın, dürüst ekoloji siyasət formalaşmışdır və həyata keçirilir
Bakı, 23 may (AZƏRTAC). Azərbaycanda aydın, dürüst ekoloji siyasət formalaşmışdır və həyata keçirilir.
AZƏRTAC xəbər verir ki, bu sözləri mayın 23-də jurnalistlərə müsahibəsində ekologiya və təbii sərvətlər naziri Hüseynqulu Bağırov demişdir. O bildirmişdir ki, Prezident İlham Əliyevin gündəlik diqqət və qayğısı nəticəsində son 6-7 ildə çox intensiv, irimiqyaslı, ətraf mühitin mühafizəsinə yönəlmiş layihələr reallaşdırılır. Keçən il Azərbaycanda ekologiya ili elan olunmuşdu. Bu, beynəlxalq aləmdə çox böyük rəğbət və diqqətlə izlənilirdi.
Nazir peşə bayramı ərəfəsində bir qrup ekoloqun fəxri adlara və mükafatlara layiq görüldüyünü xatırlatmış, diqqətə görə dövlət başçısına minnətdarlığını bildirmişdir.
Bölmənin digər xəbərləri
