AZƏRBAYCANDA BEYNƏLXALQ QADINŞAHMAT TURNİRİ KEÇİRİLƏCƏKDİR

12.10.2005 [17:17]
Çap et
A⁺ A^-

Oktyabrın 15-23-də Şəki Olimpiya İdman Kompleksində Gənclər, İdman və Turizm Nazirliyi, Milli Olimpiya Komitəsi və Azərbaycan Şahmat Federasiyasının təşkilatçılığı ilə Azərbaycanın Dövlət müstəqilliyi gününə həsr olunmuş beynəlxalq qadın şahmat turniri keçiriləcəkdir.

Azərbaycan Şahmat Federasiyasının vitse-prezidenti, yarışın baş hakimi Faiq Həsənov AZƏRTAC-ın müxbirinə bildirmişdir ki, turnirdə 7 ölkədən olan iştirakçılardan ötən ilin vitse-çempionu Yekaterina Kovalevskaya, beşqat dünya çempionu Nona Qapriandaşvili, dünya çempionu Natalya Jukova da güclərini sınayacaqlar.

Yarışda ölkəmizi Elmira Əliyeva və Nərgiz Umudova təmsil edəcəklər.

Mükafat fondu 9 min ABŞ dolları olmaqla, 1-ci yer üçün 3 min ABŞ dolları nəzərdə tutulmuşdur.