AZƏRBAYCANIN ÜMUMİ QAZ POTENSİALI TƏQRİBƏN 3,4 TRİLYON KUBMETRƏ BƏRABƏRDİR
Xəzərin Azərbaycan sektorunda qaz ehtiyatlarının ümumi həcmi təqribən 2,5-3,4 trilyon kubmetrə bərabər qiymətləndirilir.
Sənaye və energetika naziri Natiq Əliyev AZƏRTAC-a bildirmişdir ki, bu ehtiyatların əsas mənbələri hazırda istismarda olan “Şahdəniz” qaz-kondensat yatağı, “Azəri-Çıraq-Günəşli” yataqlarının səmt qazı və dərin laylarda yerləşən sərbəst qaz, eyni zamanda “Qarabağ”, “Ümid”, “Naxçıvan”, “Abşeron”, “Alov” və digər perspektiv strukturlardan ibarətdir.
Qeyd edilən qaz potensialı təsdiq edilərsə, Azərbaycanda qaz hasilatı ən azı 50 milyard kubmetr səviyyəsində olacaq və qarşıdakı 20 ildə bu göstərici dəyişməyəcəkdir. Bu isə Qara dəniz regionu və Qərbi Avropa ölkələrinin qaz bazarlarının təchiz olunması deməkdir.
Bölmənin digər xəbərləri
