Azərbaycanlı rəssam: “Qeyri-dəyirmi masalar”da uydurma hekayələr təsvir olunub
Bakı, 8 dekabr, AZƏRTAC
Yaratdığım əsərin adı “Qeyri-dəyirmi masalar” adlanır. Əsərdə Azərbaycanın müxtəlif regionlarında insanların çayxanalarda etdikləri siyasi söhbətlər və ya uydurma hekayələr təsvir olunub.
AZƏRTAC xəbər verir ki, bunu jurnalistlərə açıqlamasında azərbaycanlı rəssam Elturan Məmmədov bildirib.
Əsərin postmüharibə mövzusuna qismən yumşaq yanaşmanı özündə ehtiva etdiyini diqqətə çatdıran rəssam əlavə edib: “Məkan seçiminin əsas səbəbi iki və daha artıq şəxsin çayxanalarda etdiyi söhbətlərdir. Əsərin ideyası mən çayxanada oturarkən yan masada əyləşən şəxslərin etdiyi siyasi konspirologiyaların müşahidəsindən başlayıb. Təbii ki, əsərdə fərdi yanaşmalar var. Belə ki, masanın üzərində mərmi formalı alışqanları və bayraq təsvirli təsbehləri görmək mümkündür”.
Bölmənin digər xəbərləri
