İQTİSADİYYAT
“AZƏRNEFTYANACAQ” İLLİK TAPŞIRIQLARA ƏMƏL ETMİŞDİR
“Azərneftyanacaq” neft emalı zavodunun kollektivi 2003-cü ilin tapşırıqlarını vaxtından əvvəl artıqlamasilə yerinə yetirmişdir. Bu günədək neftayıranlar nəzərdə tutulduğundan əlavə 65,9 min ton müxtəlif növ avtomobil benzini, 81,8 min ton ağ neft və dizel yanacağı, 49,2 min ton maye qaz istehsal etmişlər. Ümumiyyətlə, bu il əlavə 200,1 milyard manatlıq neft məhsulları buraxılmışdır.
Zavodun direktoru Rövnəq Abdullayev AZƏRTAC-ın müxbirinə bildirmişdir ki, bu il müəssisədə neftin dərin emalı artaraq ilk dəfə olaraq 62,4 faizə çatdırılmışdır. Bütün istehsalat sahələrində texnoloji proseslərin optimal rejimdə aparılması, yeni texinika və texnologiyanın tətbiqi müəssisə kollektivinin belə yüksək göstəricilər əldə etməsinə zəmin yaratmışdır. Neftayıranların gərgin əməyi nəticəsində zavodda neft məhsullarının kəmiyyət və keyfiyyət göstəriciləri xeyli yüksəlmişdir. Daxili və xarici bazara əvvəlki illərə nisbətən xeyli çox əmtəəlik məhsul çıxarılmışdır.