BAKI BANKLARARASI VALYUTA BİRJASINDA HƏRRACLARIN YEKUNLARI
keçirilmiş hərracların yekunlarına görə dekabrın 25-də USD/AZM-in orta hesablanmış birja məzənnəsi 1 ABŞ dolları üçün 4923,79 manat olmuşdur.
Birjanın informasiya-analitik şöbəsindən AZƏRTAC-ın müxbirinə bildirmişlər ki, səhər keçirilmiş səsli hərracların yekunlarına görə bağlanmış əqdlərin həcmi 184 min dollar təşkil etmişdir. Hərrac sessiyasının açılış məzənnəsi 1 ABŞ dolları üçün 4923 manata olmuş və hərracların sonunadək dəyişməz qalmışdır. Tələb və təklif 184 min dollar olmuşdur.
Elektron hərraclarının birja sistemində (BEST) ABŞ valyutasının qiyməti 1 USD üçün 4924 manat həddində idi. BEST-də USDAZM T+1 aləti üzrə 700 min dollara bərabər məbləğ qeydə alınmışdır ki, bu da manat ekvivalenti ilə 3,447 milyard qədərdir. Bir əqdə, orta hesabla, 350 min dollar düşmüşdür.
Dilerlər tərəfindən tələb olmadığından BEST-də USD/AZM T+0 və T+2 alətləri üzrə əqdlər bağlanmamışdır.
T+2 alətləri üzrə dilerlər tərəfindən tələb olmadığından əqdlər bağlanmamışdır.
BEST-də RUR/AZM TOM alətləri üzrə banklar tərəfindən sifariş verilməmişdir.
Banklar BEST sistemi çərçivəsində fəaliyyət göstərən banklararası kredit bazarında ümumən 3,139 milyard manat məbləğində kreditlər cəlb etmək və yerləşdirmək üçün sifarişlər vermişlər.
Dekabrın 25-də birjada banklar arasında kredit alətləri üzrə əqdlər bağlanmamışdır.
Bölmənin digər xəbərləri
