Bakı-Moskva təyyarəsi “Domodedovo” hava limanına eniş edib YENİLƏNİB
Bakı, 17 mart, AZƏRTAC
Rusiyanın “Domodedovo” hava limanının müvəqqəti bağlanması ilə əlaqədar “Şeremetyevo”da enən “Azərbaycan Hava Yolları”nın təyyarəsi “Domodedovo” aeroportuna yola düşüb.
Bu barədə AZƏRTAC-a “Azərbaycan Hava Yolları” QSC-nin mətbuat xidmətindən məlumat verilib.
Bildirilib ki, təyyarə Bakı vaxtı ilə saat 16:13-də “Domodedovo” aeroportunda eniş edib.
13:24
“Azərbaycan Hava Yolları” aviaşirkətinin Bakı-Moskva (Domodedovo hava limanı) marşrutu üzrə J2 181 reysini yerinə yetirən təyyarəsi hava limanının bağlı olması ilə əlaqədar Şeremetyevo aeroportuna enib.
Bu barədə AZƏRTAC-a “Azərbaycan Hava Yolları” QSC-nin mətbuat xidmətindən məlumat verilib. Bildirilib ki, təyyarə Bakı vaxtı ilə saat 12:15-də Şeremetyevo hava limanına uğurla eniş edib.
Domodedovo aeroportunun bağlanmasına təhlükəsizlik tədbirləri səbəb olub.
Əlavə suallar yarandıqda, sərnişinlər [email protected] elektron poçt ünvanı vasitəsilə çağrı mərkəzinə müraciət edə bilərlər.
Bölmənin digər xəbərləri
