Bakıda və Abşeron yarımadasında güclü külək əsəcək
Bakı, 28 dekabr, AZƏRTAC
Milli Hidrometeorologiya Xidməti küləkli hava şəraiti ilə bağlı məlumat yayıb.
AZƏRTAC məlumata əsasən bildirir ki, dekabrın 29-da Bakıda və Abşeron yarımadasında şimal-qərb küləyinin qısa müddətə 15-20 metr/saniyə, arabir 23-25 metr/saniyə, yarımadanın bəzi yerlərində arabir 28 metr/saniyəyədək güclənəcəyi gözlənilir.
Azərbaycanın rayonlarında dekabrın 29-da qərb küləyinin 15-20 metr/saniyə, arabir 23-28 metr/saniyəyədək güclənəcəyi, əsasən şimal və qərb rayonlarında yağıntılı olacağı gözlənilir, dağlıq ərazilərdə qar yağacağı ehtimalı var.
Bölmənin digər xəbərləri
