Bakıda və Abşeron yarımadasında hava şəraitinin tutqun olacağı gözlənilir
Bakı, 29 yanvar (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, yanvarın 30-da Bakıda və Abşeron yarımadasında hava şəraitinin tutqun olacağı, gecə saatlarında yarımadanın bəzi yerlərində az çiskin olacağı gözlənilir.
Şimal-şərq küləyinin sürəti 8-13 metr/saniyə, gündüz isə cənub-şərq küləyinin sürəti 9-14 metr/saniyə təşkil edəcək, arabir 16-18 metr/saniyəyədək güclənəcəkdir.
Havanın temperaturu gecə müsbət 2-4, gündüz müsbət 6-8 dərəcə təşkil edəcəkdir.
Azərbaycanın rayonlarında gündüz havanın əsasən yağmursuz, lakin axşam saatlarında bəzi yerlərdə yağıntılı olacağı gözlənilir.
Şərq küləyinin sürəti 5-10 metr/saniyə təşkil edəcək, arabir güclənəcək.
Havanın temperaturu gecə 0-4, gündüz müsbət 7-12 dərəcə, dağlarda gecə 1-6 dərəcə şaxta, gündüz 0-5 dərəcə olacaqdır.
Bölmənin digər xəbərləri
