“Barselona”nın futbolçusu “Real Madrid”lə oyunu buraxacaq
Bakı, 13 oktyabr, AZƏRTAC
İspaniyanın “Barselona” komandasının futbolçusu Dani Olmo La Liqanın X turunda “Real Madrid”lə keçiriləcək matçı buraxacaq.
AZƏRTAC Kataloniya klubunun rəsmi saytına istinadən xəbər verir ki, 27 yaşlı oyunçu İspaniya millisinin düşərgəsində olarkən baldır əzələsində ağrı hiss edib.
Tibbi müayinələrdən keçən Olmonun əzələsində zədə aşkarlandığı, lakin birləşdirici toxumada ciddi problem olmadığı bildirilib. Bu səbəbdən yarımmüdafiəçinin təxminən 2–3 həftə yaşıl meydanlardan kənarda qalacağı qeyd edilib.
“Real Madrid” – “Barselona” görüşü oktyabrın 26-da gerçəkləşəcək.
Bölmənin digər xəbərləri
