Baş katib: Stolüstü tennisçilərimizin nəticələri gözləniləndən də yaxşı oldu
Qəbələ, 29 sentyabr, AZƏRTAC
9 medal bizim üçün yaxşı nəticədir.
AZƏRTAC xəbər verir ki, bu sözləri Azərbaycanın Stolüstü Tennis Federasiyasının baş katibi Könül Mikayılova ölkəmizin ev sahibliyi etdiyi III MDB Oyunlarında milli komandanın əldə etdiyi nəticələri dəyərləndirərkən deyib.
O, əsas hədəfin qızıl medal qazanmaq olduğunu bildirib: “Yarışa tam heyətlə hazırlaşmışdıq. Rəqiblər çox güclü idi. Bu gün hər üç finalda Rusiya təmsilçilərinə məğlub olduq. Buna baxmayaraq, əldə edilən nəticə bizim üçün gözləniləndən də yaxşı oldu”.
Qeyd edək ki, Azərbaycan millisi Oyunları 6 gümüş, 3 bürünc olmaqla ümumilikdə 9 medalla bitirib.
Bölmənin digər xəbərləri
