Baş məşqçi: Birinci hissədə meydanda yaxşı "Kəpəz" gördük
Bakı, 18 may, AZƏRTAC
Ümid edirəm ki, gələcək illərdə digər komandalar da sonadək çempionluq uğrunda mübarizə aparacaqlar.
AZƏRTAC xəbər verir ki, bu sözləri "Kəpəz" komandasının baş məşqçisi Azər Bağırov Misli Premyer Liqasının XXXV turunda "Qarabağ"a 0:3 hesabı ilə məğlub olduqları matçdan sonra təşkil olunan mətbuat konfransında deyib.
O, komandasının ikinci hissədə yaxşı mübarizə aparmadığını bildirib: "Futbolçular ikinci yarıda çatdıra bilmədi. Lakin birinci hissədə meydanda yaxşı "Kəpəz" gördük. Son turadək futbolçularımıza güvənəcəyik. Müəyyən oyunçular barədə fikirlərimiz var. Hər şey mövsümün yekununda bəlli olacaq".
Bölmənin digər xəbərləri
