Baş məşqçi: Üzgüçülərimizin ilk gündəki nəticələrindən razıyıq VİDEO
Gəncə, 28 sentyabr, AZƏRTAC
Üzgüçülük üzrə Azərbaycan komandasının ilk gündəki nəticələrindən razıyıq.
AZƏRTAC xəbər verir ki, bu sözləri üzgüçülük üzrə Azərbaycan millisinin baş məşqçisi, eləcə də yarışların direktoru Rəşad Əbdürrəhmanov III MDB Oyunları barədə danışarkən deyib.
O, 1500 metr məsafəyə sərbəst üsulla üzmə yarışında gümüş medal qazanan Süleyman İsmayılzadədən qızıl mükafat gözlədiyini bildirib: "Birinci yerə layiq idi. Sadəcə, doğma meydan amili onu həyəcanlandırdı. Hələ qarşıda yarışları var. İnanıram ki, yüksək nəticələr qazanacaq. Bu, idmandır, istənilən nəticə ola bilər".
Mütəxəssis 100 metr məsafəyə “butterfly” (kəpənək) üsulunda üzmədə üçüncü olan qızı Mehri Əbdürrəhmanlı haqqında da danışıb: "Mehridən bu medalı gözləmirdik. Lakin gücünü toplayaraq, fəxri kürsüyə yüksəldi. Milli komandanın tərkibinə yeni daxil olmuş Yeqor Maynitski də özünü yaxşı tərəfdən göstərə bildi. Ondan böyük nəticələr gözləyirəm".
Bölmənin digər xəbərləri
