BDU-da “planetlərin paradı”nın astronomik müşahidəsi təşkil ediləcək
Bakı, 2 mart, AZƏRTAC
Martın 3-də Bakı Dövlət Universitetində (BDU) “Planetlərin paradı”nın astronomik müşahidəsi keçiriləcək.
BDU-dan AZƏRTAC-a bildirilib ki, “Planetlərin paradı”nda 6 planet iştirak edəcək. Bu fenomenal təbiət hadisəsi zamanı planetlər Yer səmasında bir düz xətt üzrə sıralanacaqlar. Günəşdən sıralanma ardıcıllığı belə olacaq: Merkuri, Venera, Neptun, Saturn, Uran və Yupiter.
“Planetlərin böyük paradı”nı Günəş batdıqdan dərhal sonra təxminən bir saatlıq müddət ərzində izləmək mümkün olacaq. Bakı vaxtı ilə Günəş saat 18:34-də batacaq, bunun ardınca isə artıq Merkuri, Venera, Neptun və Saturn qərbdə Günəş batdığı istiqamətdə üfüq yaxınlığında olacaqlar.
Müşahidə tədbiri BDU-nun Tələbə Elmi-Texniki Yaradıcılıq Mərkəzinin önündə həyata keçiriləcək. Müşahidə “Celestron - Schmidt Cassegrain” teleskopu vasitəsilə aparılacaq.
Bölmənin digər xəbərləri
