BELARUSDA YAŞAYAN AZƏRBAYCANLILAR ƏN LAYİQLİ NAMİZƏDƏ SƏS VERƏCƏKLƏR
Dövlət Komitəsindən demişlər ki, Belarusun Mogilyov şəhərindəki azərbaycanlıların “Xəzər” cəmiyyətinin üzvləri ilə keçirilən görüşdə soydaşlarımızı maraqlandıran məsələlər və problemlər müzakirə olunmuşdur.
Mogilyov şəhər rəhbərliyi ilə keçirilən görüşlərdə Sumqayıt və Mogilyov şəhərlərinin qardaşlaşması barədə qərar qəbul olunmuş və bu addım xalqlar və şəhərlər arasında dostluq münasibətlərinin möhkəmləndirilməsinə töhfə kimi qiymətləndirilmişdir.
Görüşdə, eyni zamanda 1944-cü ildə Mogilyov şəhərinin azad edilməsində iştirak edən korpusun polkovniki, Sovet İttifaqı Qəhrəmanı Aslan Vəzirovun adına şəhərdə küçə salınması və küçədəki evlərin birinə onun barelyefinin vurulması barədə razılıq əldə olunmuşdur.
Meriya, həmçinin “Xəzər” cəmiyyətinin nəzdində fəaliyyət göstərən bazar məktəbinə yer ayrılmasına da razılıq verib. Məktəbin maddi-texniki bazasının yaradılmasına isə Dövlət Komitəsi yardımçı olacaqdır.
Belarusda yaşayan həmvətənlərimiz onlara göstərilən dövlət qayğısından razı qaldıqlarını bildirmişlər. Həmyerlilərimiz prezident seçkilərində fəal iştirak edəcəklər. Səsvermə günü Belarusdakı Azərbaycan səfirliyinin nümayəndələri cəmiyyətin ofisinə səyyar səsvermə qutuları gətirəcəklər.
“Xəzər” cəmiyyətinin üzvləri artıq öz seçimlərini etdiklərini və 15 oktyabr seçkilərində ən layiqli namizədə səs verəcəklərini bəyan ediblər.
Bölmənin digər xəbərləri
