BƏRDƏ RABİTƏÇİLƏRİ İLİ UĞURLA BAŞA VURURLAR
Rayon Telekommunikasiya Qovşağından AZƏRTAC-ın müxbirinə bildirmişlər ki, hazırda 25 ATS vasitəsilə 11 min 700 abonentə telefon rabitə xidməti göstərilir. 9100 abonent isə elektron tipli stansiyaların xidmətindən istifadə edir. Kəndlərdəki 13 ATS-də yeni dizel generatoru və akkumlyator quraşdırılmış, digər 5 kənddə ümumi tutumu 1280 nömrə olan elektron tipli ATS-lər istifadəyə verilmiş, 5 ATS-in tutumu isə 550 nömrə artmışdır. 24 kənddə ATS binası təmir olunmuş, 8 kənddə isə ATS-lər yeni inşa olunmuş binalara köçürülmüşdür. Rayonda istifadəyə verilmiş müasir tipli abonent şöbəsi və İnternet klub əhaliyə xidmət göstərir. Elektron tipli ATS-ləri olan kəndlərdə də İnternet xidməti təşkil edilmişdir. Rabitə qovşaqlarında kompüter kursları fəaliyyət göstərir. Rayonda telefon çəkilişində növbəlilik ləğv olunmuş, son vaxtlar imkansız vətəndaşlara pulsuz telefon çəkilmişdir.
Bölmənin digər xəbərləri
