Bərdə rayonunda 112 hektar sahədə yeni meşə salınmışdır
Bərdə, 12 yanvar (AZƏRTAC). “Azərbaycan Respublikasında meşələrin bərpa edilməsi və artırılmasına dair” Milli Proqrama uyğun olaraq Bərdə rayonunda yeni meşə sahələri salınır.
Bərdə rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, 2010-cu ildə rayonda 112 hektar sahədə yeni meşə salınmışdır. 1,23 hektar sahədə şərq çinarı, sərv, Eldar şamı və digər cinslərdən ibarət böyütmə sahəsi yaradılmış, 3,15 hektar sahəyə ting yetişdirmək məqsədi ilə toxum səpilmiş, 600 min ting yetişdirilmişdir. 400 min ağac tingi çıxarılaraq meşəliklərin salınmasında, eləcə də, rayonda təşkil edilən ağacəkmə aksiyalarında istifadə olunmuşdur.
Bölmənin digər xəbərləri
