“Bild”: Münxendə qadın yoldan keçənlərə bıçaqla hücum edib, bir neçə nəfər yaralanıb
Bakı, 8 iyun, AZƏRTAC
Münxendə dünyanın ən böyük pivə festivalı olan Oktoberfestin hər il keçirildiyi Theresienviese meydanında 30 yaşlı qadın yoldan keçənlərə bıçaqla hücum edib.
AZƏRTAC xəbər verir ki, bu barədə “Bild” nəşri məlumat yayıb.
Qəzetin məlumatına görə, qadın yoldan keçən bir neçə nəfəri yaralayıb, bundan sonra polis ona atəş açıb. Hadisə nəticəsində qadın təcili xəstəxanaya yerləşdirilib və əməliyyat olunub. Həkimlərin bütün səylərinə baxmayaraq, onun həyatını xilas etmək mümkün olmayıb.
Hazırda hadisənin motivləri açıqlanmır.
Bölmənin digər xəbərləri
