BİLİK GÜNÜNDƏ LƏNKƏRAN RAYONUNDA 3 MƏKTƏB BİNASI İSTİFADƏYƏ VERİLMİŞDİR
AZƏRTAC-ın müxbiri xəbər verir ki, sentyabrın 15-də Lənkəran rayonunda regionların sosial-iqtisadi inkişafı Dövlət Proqramına müvafiq olaraq tikilmiş 3 yeni məktəb-Sütəmurdov kənd orta məktəbinin 600 şagird yerlik üçmərtəbəli, Cil kənd orta məktəbinin 240 şagird yerlik ikimərtəbəli və Havzava kənd orta məktəbinin 220 şagird yerlik ikimərtəbəli yeni binaları isatidəyə verilmişdir.
Yeni məktəblərdə keçirilən mərasimlərdə Lənkəran Şəhər İcra Hakimiyyətinin başçısı Süleyman Mikayılov, Milli Məclis sədrinin birinci müavini Ziyafət Əsgərov, deputatlardan Rüfət Quliyev, Cavanşir Paşazadə, rayonun təhsil işçiləri və ictimaiyyətin nümayəndələri çıxış edərək bilik günü münasibətilə müəllim və şagirdlərə ən xoş arzularını çatdırmışlar.
Bölmənin digər xəbərləri
