BİR QRUP İDMAN HƏVƏSKARI VELOSİPEDLƏ OLİMPİYA SƏYAHƏTİNƏ ÇIXMIŞDIR
AZƏRTAC-ın xüsusi müxbiri Berlindən xəbər verir ki, bir qrup almaniyalı idman həvəskarı iyulun 13-də velosipedlə yay Olimpiya oyunlarının keçiriləcəyi Afina şəhərinə yollanmışdır. Onlar YUNESKO-nun təşəbbüsü ilə təşkil olunan velosiped yürüşünə Berlin meriyası binasının qarşısından başlamışlar. Xoşməramlılar 3 min kilometr məsafə qət etməklə, Avropanın 8 ölkəsinin ərazisindən keçəcək, buradakı idman həvəskarlarını da marafona qoşulmağa çağıracaqlar. Velosipedçilər karvanı Afina Olimpiadasının açılış günü stadiona daxil olaraq, sülhməramlı oyunların dünya xalqlarının həmrəyliyinin rəmzinə çevrildiyini nümayiş etdirmək niyyətindədir.
Bölmənin digər xəbərləri
