Birgə elmi tədqiqatlar üçün Azərbaycan–İsrail platforması yaradılır
Bakı, 4 fevral, AZƏRTAC
Elm və təhsil nazirinin müavini Həsən Həsənlinin İsrail Dövlətinə səfəri çərçivəsində bu ölkənin innovasiya, elm və texnologiya naziri Gila Gamliel ilə “Azərbaycan Respublikasının Elm və Təhsil Nazirliyi ilə İsrail Dövlətinin İnnovasiya, Elm və Texnologiya Nazirliyi arasında elmi əməkdaşlıq proqramına dair anlaşma memorandumu” imzalanıb.
Elm və Təhsil Nazirliyindən AZƏRTAC-a bildirilib ki, anlaşma memorandumu ali təhsil müəssisələri və elmi müəssisələr arasında elmi-tədqiqat yönümlü layihələrin icrası, elmi-tədqiqat layihələrinin birgə maliyyələşdirilməsi, doktorantların, alimlərin və müəllim heyətinin mübadiləsi, birgə tədbirlərin təşkili və digər sahələrdə İsrail Dövləti ilə əməkdaşlığın təşkilini nəzərdə tutur.
Bölmənin digər xəbərləri
