Bosniya və Herseqovinada güclü meşə yanğını baş verib
Sarayevo, 28 iyun, AZƏRTAC
Bosniya və Herseqovinanın Lyubuşki şəhəri ətrafında güclü meşə yanğını baş verib.
AZƏRTAC xəbər verir ki, əraziyə dərhal mülki müdafiə qüvvələri və yanğınsöndürənlər göndərilib. Yanğının qismən söndürüldüyü, lakin tüstünün hələ də ətraf ərazilərdən göründüyü bildirilib.
Qərbi Herseqovina Kantonunun Mülki Müdafiə İdarəsinin məlumatına görə, yanğın sürətlə yayılaraq geniş ərazini əhatə edib. Yanğın yaxınlıqdakı yaşayış məntəqələri və biznes binaları üçün təhlükə yaradıb.
Əraziyə digər bölgələrdən də yanğınsöndürənlər cəlb olunub.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
