Bosniya və Herseqovinada meşə yanğını olub
Sarayevo, 15 avqust, AZƏRTAC
Bosniya və Herseqovinada iki inzibati vahiddən biri olan Serbska Respublikasının Trebinye bölgəsində meşə yanğını baş verib.
AZƏRTAC xəbər verir ki, yanğının söndürülməsinə mülki müdafiə qüvvələri və sakinlər cəlb olunub. Qomilyani kəndi istiqamətində yayılan yanğın yaşayış məntəqələri üçün təhlükə yaradıb.
Güclü külək nəticəsində geniş ərazini əhatə edən alov nəticəsində istifadəsiz tikililər və əkin sahələrinin bir hissəsi yanıb.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
