Böyük Britaniyanın ən ucqar adasında işləmək üçün tibb bacısı axtarılır
London, 19 avqust, AZƏRTAC
Böyük Britaniyanın ən ucqar yaşayış məskənlərindən biri olan Fair adasında işləmək üçün tibb bacısı tələb olunur.
AZƏRTAC “Independent”ə istinadla xəbər verir ki, Şotlandiyanın Şetland və Orkni adaları arasında yerləşən kiçik adanın 50 nəfər daimi sakini var. Milli Səhiyyə Xidmətinin məlumatına görə, seçiləcək tibb işçisi adanın daimi əhalisinə, həmçinin turistlərə tam ştatlı tibbi xidmət göstərəcək.
Qeyd olunur ki, bu vəzifə yüksək şəxsi dözümlülük və müstəqil işləmə bacarığı tələb edir.Tibb bacısına illik 41,608 – 50,702 funt sterlinq arasında əməkhaqqı təklif olunur. Həmçinin əməkhaqqı paketinə əlavə ödənişlər də daxildir. Bundan başqa, seçilmiş namizədə hər il 2 min 482 funt sterlinq məbləğində “uzaq ada əlavəsi” veriləcək. Eyni zamanda, köçmə xərcləri üçün 8 min funt sterlinqədək maliyyə dəstəyi ayrılacaq. Adada sosial xidmətlərin məhdud olması səbəbindən tibb bacısının şəxsi qayğı və sosial dəstək işlərini də həyata keçirməsi nəzərdə tutulur.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
