Bu gecə dağlıq rayonlarda 7-12° şaxta olub
Bakı, 30 dekabr, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Xidmətinin dekabrın 30-na olan məlumatına əsasən dekabrın 29-u gün ərzində bəzi yerlərdə yağış, dağlıq ərazilərdə yağan qar 30-u gecə saatlarından kəsilib.
Xidmətdən AZƏRTAC-a verilən məlumata görə, qar örtüyünün hündürlüyü: Qax və Şahdağda 2 santimetr, Altıağacda 1 santimetr olub.
Düşən yağıntının miqdarı: Astarada 7.0 millimetr, Lənkəranda 6.0 millimetr, Ağdərə (Ordubad), Altıağac, Quba, Qusar, Xaltan, Qrız, Şabranda 1.0 millimetrədək olub.
Havanın minimal temperaturu: Bakıda və Abşeron yarımadasında 4°-dək isti, Naxçıvan MR-da 5-9° şaxta, dağlıq rayonlarda 7-12° şaxta, aran rayonlarında 1° şaxtadan 2°-dək isti olub.
Bayram günlərində dekabrın 31-i, 2023-cü il yanvarın 1-dən 4-nə kimi ölkə ərazisində hava şəraitinin sabit, əsasən yağmursuz keçəcəyi gözlənilir. Mülayim cənub küləyi əsəcək.
Bölmənin digər xəbərləri
