Bu gün Türkiyə klubları avrokuboklarda cavab oyunlarını keçirəcək
Bakı, 28 avqust, AZƏRTAC
Türkiyənin üç komandası – “Samsunspor”, “Beşiktaş” və “Başakşəhər” avrokuboklarda cavab oyunlarına çıxacaq.
AZƏRTAC xəbər verir ki, Avropa Liqasında mübarizə aparan Samsun klubu səfərdə 1:2 hesabı ilə məğlub olduğu Yunanıstanın “Panatinaikos” kollektivini qəbul edəcək.
Konfrans Liqasında çıxış edən “Beşiktaş” birinci qarşılaşmada qollu heç-heçə (1:1) etdiyi İsveçrə “Lozanna”sı ilə İstanbulda üz-üzə gələcək. Turnirdə digər komanda "Başakşəhər" isə səfərdə Rumıniyanın "Universitatea Krayova” klubunun qonağı olacaq. İlk görüşdə rumınlar qələbəyə seviniblər – 2:1.
“Samsunspor” ilə “Beşiktaş”ın oyunları Bakı vaxtı ilə saat 21:00-da, “Başakşəhər”in görüşü isə 21:30-da başlayacaq.
Bölmənin digər xəbərləri
