Bundesliqa: “Bavariya” öz meydanında “St Pauli”yə qalib gəlib
Berlin, 29 mart, AZƏRTAC
“Bavariya” komandası Bundesliqanın 27-ci turunda öz meydanında “St Pauli” ilə qarşılaşıb.
AZƏRTAC xəbər verir ki, görüşdə Münxen təmsilçisi 3:2 hesabı ilə qalib gəlib. Oyunda hesab 17-ci dəqiqədə açılıb. “Bavariya”nın ingilis legioneri Harri Keyn adını tabloya yazdırıb. Bu qoldan on dəqiqə sonra qonaqlar Elias Saadın sayəsində oyunda tarazlığı bərpa ediblər – 1:1. İlk hissə bu hesabla başa çatıb. Görüşün 53-cü və 71-ci dəqiqələrində Leroy Sane “Bavariya”nı yenidən hesabda irəli çıxarıb. Lakin bu, oyunda son qol olmayıb. Əsas vaxta əlavə olunmuş hissədə (90+3) “St Pauli”nin heyətində Lars Ritska bu qollardan birinin əvəzini çıxıb. Beləliklə, qarşılaşma 3:2 hesabı ilə münxenlilərin xeyrinə başa çatıb.
Digər oyunlarda aşağıdakı nəticələr qeydə alınıb:
“Hoffenhaym” – “Auqsburq” – 1:1;
“Volfsburq” – “Haydenhaym” – 0-1;
“Borussiya Münxenqladbax” – “Leyptsiq” – 1:0;
“Holştayn Kiel” – “Verder Bremen” – 0:3
“Ayntraxt Frankfurt” – “Ştutqart” - 1:0.
Turun açılış matçında “Bayer Leverkuzen” öz meydanında “Boxum”u 3:1 hesabı ilə məğlub edib. Bundesliqanın 27-ci turuna “Frayburq” – “Union Berlin” və “Borussiya Dortmund” – “Maynts” oyunları ilə yekun vurulacaq.
Almaniya çempionatına 65 xalla “Bavariya” liderlik edir. Münxenliləri 59 xalla “Bayer Leverkuzen” izləyir.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
