Bundesliqa: Dortmundun “Borussiya” klubu səfərdə qələbə qazanıb

13.09.2025 [19:58]
Çap et
A⁺ A^-

Berlin, 13 sentyabr, AZƏRTAC

Dortmundun “Borussiya” klubu Bundesliqanın üçüncü turunda səfərdə “Haydenhaym” ilə qarşılaşıb.

AZƏRTAC xəbər verir ki, Dortmund təmsilçisi görüşdə 2:0 hesablı qələbə qazanıb.

İlk iki turda qalib gələn “Köln” üçüncü turda xal itirib. Komanda çətin “Volfsburq” səfərində heç-heçə edib - 3:3. Paytaxt təmsilçisi “Union Berlin” öz meydanında “Hoffenhaym”a məğlub olub - 2:4. “Leypsiq” səfərdə “Mayns” üzərində minimal hesablı qələbə qazanıb - 1:0. “Frayburq” isə doğma divarlar arasında “Ştutqart”a 3:1 hesabı ilə qalib gəlib. Günün sonuncu görüşündə “Bavariya” Münxendə “Hamburq”u qəbul edəcək.

Bundesliqanın üçüncü turuna bazar günü oynanılaycaq “Sankt Pauli” - “Ausqburq” və “Borussiya” (Mönxenqladbax) - “Verder” (Bremen) görüşləri ilə yekun vurulacaq.

Xatırladaq ki, üçüncü turun ilk görüşündə Leverkuzenin “Bayer” komandası öz meydanında Frankfurtun “Ayntraxt” klubuna qalib gəlib - 3:1.

Elvin Mövsüm

AZƏRTAC-ın xüsusi müxbiri

Berlin