Canni de Byazi: Fərqli oyun göstərərək qalib gəlmək istəyirdik
Bakı, 10 oktyabr, AZƏRTAC
Fərqli oyun göstərərək qalib gəlmək istəyirdik. İlk dəqiqələrdən künc zərbəsindən qapımızdan qol buraxdıq.
AZƏRTAC xəbər verir ki, bunu UEFA Millətlər Liqası çərçivəsində oktyabrın 10-da Monteneqro millisinə məğlub olan Azərbaycan yığmasının baş məşqçisi Canni de Byazi oyundan sonra təşkil olunan mətbuat konfransında söyləyib.
İtaliyalı mütəxəssis deyib: “Monteneqro millisinin qol vurmaq üçün az şansı oldu və yaratdıqları imkandan maksimum istifadə etdi. İlk hissədə daha zəif tempdə oynadıq. Ayıq başla buraxdığımız səhvləri təhlil edəcəyik”.
Baş məşqçinin sözlərinə görə, Maksim Medvedevin zədəsinin nə dərəcədə ciddi olub-olmadığı bilinmir. O, Meydanda olduğu müddətdə yaxşı oyun nümayiş etdirdi.
Qeyd edək ki, Monteneqro-Azərbaycan oyunu 2:0 hesabı ilə meydan sahiblərinin xeyrinə başa çatıb.
Bölmənin digər xəbərləri
