Çadda minanın partlaması nəticəsində 7 əsgər həlak olub
Bakı, 26 mart, AZƏRTAC
Çadda Silahlı cihadçı qrupların fəaliyyət göstərdiyi Çad gölü bölgəsində minanın partlaması nəticəsində 7 əsgər həlak olub.
AZƏRTAC TASS agentliyinə istinadla bildirir ki, bu barədə Çad Prezidenti Mahamat İdriss Deby Itno məlumat verib.
“Paytaxtdan təxminən 200 kilometr şimalda yerləşən Çad gölü əyalətinin Çuku Telia kəndində 7 Çad əsgəri öldürülüb, bir neçəsi yaralanıb”, - deyə Prezident özünün feysbuk səhifəsində qeyd edib.
Bildirilib ki, hərbçilər bu əraziyə baxış keçirirmişlər və yaraqlılar tərəfindən yerləşdirilmiş minanın qurbanı olublar.
Bölmənin digər xəbərləri
