Çinin Hebey əyalətində daşqın səbəbindən 1,3 milyon insan təxliyə edilib
Bakı, 3 avqust, AZƏRTAC
Çinin şimal-şərqində yerləşən Hebey əyalətində leysan yağışları nəticəsində baş vermiş daşqınlar səbəbindən 1,3 milyona yaxın insan təxliyə olunub.
AZƏRTAC xəbər verir ki, yerli hakimiyyət orqanlarının məlumatına görə, indiyədək ümumilikdə 1 milyon 229 min nəfər təhlükəsiz ərazilərə təxliyə edilib. Onların 857 nəfəri bilavasitə su altında qalan ərazilərin sakinidir.
Təbii fəlakətdən zərər çəkən ərazilərə 4,7 mindən çox təcili yardım briqadası göndərib. Xilasetmə əməliyyatına cəlb olunanların ümumi sayı 100 min nəfəri keçib.
Qeyd edək ki, iyulun 27-dən Hebey əyalətinin əksər hissəsi şiddətli yağışların təsirinə məruz qalıb. Sinoptiklər paytaxt Pekinin yaxınlığında yerləşən bu əyalətdə yeni yağışlar gözlənildiyini proqnozlaşdırır.
Bölmənin digər xəbərləri
