“Code For Future” layihəsinin inkişaf etdirilməsi məsələsi müzakirə olunub
Bakı, 11 iyul, AZƏRTAC
Təhsildə Keyfiyyət Təminatı Agentliyi (TKTA) ilə İnnovasiya və Rəqəmsal İnkişaf Agentliyi arasında görüş keçirilib.
TKTA-dan AZƏRTAC-a bildirilib ki, görüşün əsas məqsədi informasiya texnologiyaları sahəsində yüksəkixtisaslı kadrların hazırlanmasına yönəlmiş mühüm təşəbbüs olan “Code For Future” layihəsinin gələcək inkişafının müzakirəsi olub.
“Code For Future” layihəsinin və əməkdaşlıq istiqamətlərinin müzakirə edildiyi görüşdə agentliyin İdarə Heyətinin sədri Ülkər Səttarova IT sahəsinin ildən-ilə inkişaf etdiyini, yeni əməkdaşlıqların və bu kimi layihələrin tələbələrin IT karyerası üçün lazımi bilik və bacarıqlar əldə etməyinə və yüksəkixtisaslı mütəxəssislərə artan tələbatı ödəməyə imkan verdiyini qeyd edib.
Görüşdə, eləcə də TKTA ilə İRİA arasında əməkdaşlıq perspektivlərinə dair müzakirələr aparılıb.
Qeyd edək ki, İRİA 2023-cü ildən etibarən “Code For Future” layihəsinin inkişafına fəal dəstək göstərir.
Bölmənin digər xəbərləri
