CÜDO ÜZRƏ AZƏRBAYCAN BİRİNCİLİYİNƏ START VERİLMİŞDİR
AZƏRTAC xəbər verir ki, fevralın 3-də Maştağa Olimpiya Kompleksində yeniyetmə oğlan və qızlar arasında cüdo üzrə respublika birinciliyinə start verilmişdir.
Həmin gün qızlar arasında keçirilən yarışların nəticələrinə görə, Svetlana Məmmədova (36 kq, Dəvəçi), Nərgiz Abdullayeva (40 kq, Mingəçevir), Aminə Abbasova (44 kq, “Neftçi” İSM), Turanə Seyidli (48 kq, “Kanakan” İK), Nazəvin Məmmədova (52 kq, “Atilla” İK) Arzu Abbasova (57 kq, Əli Bayramlı), Kəmalə Hüseynova (63 kq, “Neftçi” İSM) və Vəfa İbadova (70 kq-dan yuxarı, Nizami rayonu) birinci yeri tutmuşlar. Oğlanlar arasında ölkə birinciliyi fevralın 4-6-da keçiriləcəkdir.
Yarışlarda 35 komandanın tərkibində 250-yə yaxın idmançı iştirak edir.
Bölmənin digər xəbərləri
