Dağlıq və bəzi dağətəyi rayonlarda qar yağacaqdır
Bakı, 7 yanvar (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, yanvarın 8-də Bakıda və Abşeron yarımadasında buludlu hava şəraitinin üstünlük təşkil edəcəyi, bəzi yerlərdə yağış yağacağı, şimal-şərq küləyinin əsəcəyi gözlənilir.
Havanın temperaturu gecə 4-6, gündüz 8-10 dərəcə təşkil edəcəkdir.
Azərbaycanın rayonlarında hava şəraitinin qərb rayonlarından başlayaraq yağıntılı keçəcəyi, dağlıq və bəzi dağətəyi rayonlarda qar yağacağı, axşama doğru yağıntıların ayrı-ayrı yerlərdə intensivləşəcəyi ehtimal olunur. Şərq küləyinin əsəcəyi gözlənilir.
Havanın temperaturu gecə 0-5 dərəcə şaxta, gündüz müsbət 4-8 dərəcə, dağlarda gecə 4-8 dərəcə şaxta olacaq, gündüz 4 dərəcə şaxtadan müsbət 1 dərəcəyədək yüksələcəkdir.
Bölmənin digər xəbərləri
