DİNARA GİMATOVA DÜNYA SƏVİYYƏLİ GİMNAST OLMUŞDUR

03.02.2006 [22:17]
Çap et
A⁺ A^-

AZƏRTAC Azərbaycan Gimnastika Federasiyasının mətbuat xidmətinə istinadla xəbər verir ki, Olimpiya İdman Kompleksində “Neftçi” idman-sağlamlıq mərkəzinin bədii gimnastika üzrə birinci açıq çempionatı olmuşdur. Yarışda DİN-in idman cəmiyyətinin və Bakı Gimnastika Məktəbinin nümayəndələri iştirak etmişlər. Çempionatın mükafatları uğrunda ümumən 37 idmançı yarışmış, 5 yaş qrupunda və çoxnövçülükdə qaliblər müəyyənləşmişdir. 1991-94-cü il təvəllüdlü gimnastlar arasında Nigar Əliyeva (“Neftçi”), 1995-96-cı il təvəllüdlü idmançılar arasında Valeriya Dmitriyeva (Gimnastika məktəbi), Əfsanə İsmayılova (1997-ci il, “Neftçi”), Aynur Mustafayeva (1998-ci il, “Neftçi”), Nahidə Əhmədli (1999-2000-ci illər, “Neftçi”) qalib gəlmişlər.

“Neftçi”nin sədri, Milli Məclisin deputatı Rauf Əliyev çempionatın yekunlarını şərh edərək bildirmişdir ki, belə yarışlar ölkəmizdə bədii gimnastikanın inkişafına kömək edir.

“Neftçi”nin digər gimnastı Dinara Gimatova isə “Dünya səviyyəli gimnast” kimi Beynəlxalq Gimnastika Federasiyasının siyahısına daxil edildiyi üçün FİG-in müvafiq nişanı ilə təltif olunmuşdur. Respublika Gimnastika Federasiyasının mətbuat xidmətinin bildirdiyinə görə, Gimatova FİG-in siyahısında ölkəmizin yeganə nümayəndəsidir. Yeri gəlmişkən, İtaliyanın mötəbər klub çempionatında uğurlu çıxışları onun yüksək peşəkarlığının daha bir təsdiqidir.

DİNARA GİMATOVA DÜNYA SƏVİYYƏLİ GİMNAST OLMUŞDUR

MÜƏLLİFLƏ ƏLAQƏ

Bölmənin digər xəbərləri