“Dostlar” serialındakı məşhur narıncı divan hərraca çıxarılıb
Stokholm, 29 avqust, Nərgiz Cəfərli, AZƏRTAC
“Julien's” hərracı “Dostlar” sitkomundan xatirə əşyaları satışa çıxaracaq.
AZƏRTAC xəbər verir ki, hərrac 1994-cü il sentyabrın 22-dən yayımlanan serialın 30 illiyinə həsr olunub.
Hərraca 110 əşya, o cümlədən baş qəhrəmanların geyimləri, velosiped və mağaza lövhəsi çıxarılacaq.
Hərracın ən bahalı əşyası 2 min dollardan 3 min dollara qədər olan məşhur narıncı divanın surəti olacaq.
“Dostlar” hər gün yayımlanır. Biz “Warner Bros.”dan bizə gələn bu ikonik kolleksiyanı təqdim etməkdən qürur duyuruq”, - deyə “Julien's Auctions”ın baş direktoru Devid Qudman bildirib.
Sentyabrın 23-də keçiriləcək hərracda onlayn şəkildə iştirak etmək olacaq.
Bölmənin digər xəbərləri
